首頁 > 每月專題
2016最神最騎呢最詭異藝術創作年度回顧
TumTum  |  tumtumhk@gmail.com
字體提高 縮小字體 列印 電子郵件 報告
確認 2016.12.28  15:40:42
Twitter Faecbook Google msn

當代藝術真係越黎越變得古怪,以往好同唔好嘅藝術係無乜爭議性嘅,但係今年,分開最神最騎呢同最詭異藝術創作嘅界線已經十分模糊,我地再分唔到作品究竟係好定壞、勁定係Bad Taste,無計啦,既然世界變成咁都要開工㗎,一齊睇下我地選出嘅2016最神最騎呢最詭異藝術創作(首先講明,有啲作品係前年已經做緊,但到今年先成熟勁爆):

最神藝術創作

   
   
   
   
   
   
 

2016年最神藝術創作非最中意包嘢嘅Christo同佢老婆Jeanne-Claude 作品The Floating Piers莫屬,佢地係意大利 Lombardy 所打造咗呢個大型裝置,漂浮於湖面上嘅「行人路」有 2 英里長,將 San Paolo 小島、Sulzano同Monte Isola 連為一體,而包住「路面」上面嘅防水尼龍材料重可以隨天氣同光照變色,展覽期間吸引咗超過一百二十萬人黎睇作品,想話佢地唔係全年最神藝術創作都唔得啦。

   
   
 

第二個最神藝術創作應該係阿根廷26歲藝術家Amalia Ulman嘅Excellences & Perfections,係2014年4月,Amalia係佢嘅Instagram戶口上傳嘅一幅有Part I同Excellences & Perfections圖,跟著嘅日子Amalia就不斷上載佢嘅性感自拍照。自拍照主要是係一些炫富和賣弄身材為主題,有時只穿內衣有時祼露,即刻吸引了差不多九萬個跟隨者。

Amalia當時啱啱係倫敦Central Saint Martins俢讀藝術畢業,畢業後去咗LA,係Ig度不斷宣傳佢嘅物質女孩生活:學鋼管舞、隆胸等等。慢慢地,人們開始不中意佢,畫廊亦因為佢係網上的形象唔同佢合作⋯

五個月之後,她上載一幅寫著The End嘅圖,過幾天佢係網上宣佈其實她在Ig公佈嘅一切都係假嘅,佢用咗一個月去計劃同資料搜集物質女孩嘅一切,染了一頭金髮換哂佢啲衫,重假扮隆胸⋯呢這一切都係假嘅,係Amalia創作出來嘅角色。

被問及在倫敦時嘅生活,佢坦言當時十分窮,只可以靠援交為生,但係其他從事援交朋友身上得到很多這個計劃嘅啟發。「我想證明女性氣質唔係天生的⋯作為一個女性唔係與生俱來嘅,係一啲學番黎嘅技巧。」

呢系列作品令Amalia爆紅,在今年一月同二月分別係倫敦Whitechapel Gallery及Tate Modern都會展出佢嘅作品。

最詭異藝術創作

   
   
 

澳洲藝術家Sophia Hewson拍咗一個叫Trigger Warning嘅錄像,主要係拍住Sophia近鏡,而鏡頭後面就有人強姦Sophia,最詭異係係影片完結時,突然有把聲(係Sophia嘅)問咗一句:are you OK, Bob。

Sophia話佢呢件作品:「被她(Sophia自己)的目光抓住,觀眾不僅被迫見證她的主觀性,還感受到她的悲傷。」

唔使問條片會引起網上熱烈討論,強姦受害者Katrina Keshishian睇完條片就話:「我個人認為這是冒犯。被強姦不應該被“藝術”用來博取掌聲。我也是一個女權主義者,但我不相信這是倡導強姦受害者的正確途徑。」

   
   
   
 

一定要嚇你一嚇嘅行為藝術家Milo Moiré今年又有新攪作,佢會係各大歐洲大城市,身上掛住個盒,盒裡面無著衫,佢會邀請路人伸手入去摸佢,話係表達女性平權咁話。我地真係唔覺原來男人係有權通街俾人摸波用摸j喎,點解摸呀Milo姐對波同妹妹就代表平權呢?呢樣嘢都係唔好問咁多,只係好葡萄當時在場嘅人啫。不過Milo姐一向係歐洲點做行為都相安無事,大家都習慣咗佢光脫脫係公共地方走黎走去。但係今次過大海去英國做就瀨嘢,佢係倫敦開檔行為咗無耐就被差佬拉咗,仲拘留咗廿四小時添。


最騎呢藝術創作

   
   
 

藝術家Micky Zilbershtein呢條名為「水中脹氣」嘅片,拍住一個裸女游水,突然屎忽有氣泡發出…嘩放屁呢家嘢咁「著地」,想話佢唔係藝術都對唔住自己啦…係咪?唔好睇小呢條片,Po咗上網兩星期,到目前為止已經有五百六十萬人睇過,所以話呢,藝術呢家嘢,識放屁就得駕啦,快啲放多啲屁啦。

 

   
 

一年前美國有隊Band叫Cross Vomit,係佢地推出咗佢地嘅處女demo錄音帶,點知推出之後大受歡迎,啲人話佢地啲音樂勁玩燥音,嘈到彈乜都聽唔到,係「處境解構」deconditioned主義嘅先鋒。

而家樂隊接受訪問,講出燥音來源:「成隻歌只係用咗六分鐘完成錄音,我地係阿媽個車房到錄音,阿媽部爛鬼1995年韓國製造嘅冷氣嘈到拆天,好似成班馬係過山車到跌落黎咁。我地錄完之後聽番諗,頂!都幾好笑吖。但係估唔到隻歌咁爆。我地估唔到隊Band最出名係部冷氣,因為部冷氣我地隻歌難聽到嘔,隻歌咁難聽其實我地落咗唔少功夫,但係無人讚我地囉。我諗我地下次要係阿媽個廚房錄音,佢部攪拌機都好難聽駕,又或者攞駕剪草機係行人路上用。」

但係隊Band新作可能無限期延遲,因為佢老豆換咗部好靜嘅新冷氣。

閱讀更多TumTum的文章  
字體提高 縮小字體 列印 電子郵件 報告
Twitter Facebook Google msn 後面 安慰
網上畫廊
人氣文章
使用條款及免責聲明私隱政策聯絡我們廣告查詢
香港柴灣柴灣道238號青年廣場9樓918室  |  電話 : (852)2858-1771  |  傳真 : (852)2736-6361
電郵:tumtum.hk@gmail.com  |  版權 © 本網站所有訊息資料受香港版權法保護,未經許可不得擅自複製,分發,傳播或發行。